Oleh Bachtiar Sitanggang
Tulisan di bawah ini, judul: SOSO SOSO TU MASYARAKAT SAMOSIR, termuat di Face Book Jumat, 20 November 2015, menjelang Pilkada tahun 2015 di Kabupaten Samosir. Menjelang Pilkada tanggal 27 November 2024 ini mungkin masih relevan kondisi Pemilu secara nasional yang tidak dapat disanggah bahwa Bantuan Sosial berpengaruh bagi penentuan pilihan Capres/Cawapres dianggap melanggar etika dan moral namun tidak melanggar hukum positif.
Dikaitkan juga dengan Pilkada Samosir 2020 yang menjadikan Togu Togu Ro (TTR) menasional di Mahkamah Konstitusi. Tulisan ini juga sekaligus mendukung upaya “TOLAK & LAWAN MONEY POLITICS-TTR yang digagas Efendy Naibaho, dengan pendukung yang mendartar sejumlah orang dari berbagai kota dan daerah di seluruh Indonesia.
SOSO-SOSO TU MASYARAKAT KABUPATEN SAMOSIR
Di dok situa-tua: “ida-ida na bosur, jora-jora na male”, marhite on nisosoan ma sude masyarakat Kabupaten Samosir di na mangadopi Pemilihan Kepala Daerah (Pilkada) manang Pemilihan Bupati/Wakil Bupati (Pilbup/wabup) tanggal 9 Desember 2015 nanaeng ro.
Kabupaten Samosir nunga dua hali mamillit Bupati/Wakil Bupati jala hasilna nunga tarida tedek songon indahan di balanga, molo dibandingkon tu Kabupaten naasing, hira so tarida do hasil ni pembangunan songon hataridaan ni na niula ni panggomgomi na 10 taoni, molo songon Humbang Hasundutan misalna, sude nunga dalan balobung (jalan raya), nunga boi ninna di dalani kendaraan huta tu huta, jala angka anak sekolah bebas biaya sahat tu tingkat SLTA.
Hamajuon ni masyarakat, ndang tubu sandirii alani pangulaon ni Bupati na do. Hape di hutanta on hira so apala adong na muba di perkembangan sarana prasarana nang di parngoluan si ganup ari.
Na tarida pangalaho na suhar do sian piga-piga Pejabat, ima korupsi, jala dihurungkon ala merugikan keuangan negara, dohot angka nadiproses dope.
Marhite sian angka na masai, nisosoan par-Samosir, asa “ida-ida na bosur, jora-jora na male”, ala nunga “tarida ursa sian bogas na jala tarboto imbo sian sorana”, dua hali Pilkada ndang sian roha na ias hasilna pas-pasan manang lope-lope tu bagas do. Ala godang mamillit mangida hepeng, pangkorhonna ba pembangunan Samosir “jalan di tempat” selama 10 taon, aha ma na boi banggahonon ni par_Samosir? Ra holan sumolsol bagi nama, pembangunan ndang gumullik pejabat na do masuk bui.
Alanii di tingki namamillit Bupati/Wakil Bupati tanggal 9 Desember 2015 nanaeng ro, pangke hamu ma roha parbagasan (hati nurani) unang ma alani hepeng, unang manggadehon hadirion (harga diri, harkat dan martabat) holan alani hepeng duaratus-toluratus ribu rupiah, hape gabe mago hamajuon saleleng 5 taon.
Alana hepeng na ni jalo mui buatonna do lobi siani godang na sian anggaran pembangunan (APBD) ima sian anggaran pembangunan nanaeng tu rakyat. Mora pe nasida ndang manigor boi arta nasidai habis songoni ambur-amburhononna manuhor soara, tontu adong do di ihutanna. Pillit hamu ma halak na so mangasahon hepeng, na olo mambangun ma songon Humbanghas, 10 Kabupaten terbaik di Indonesia jala selama 10 taon mandapot penilaian Wajar Tanpa Pengecualian. Ndang adong diallang nasida hepeng ni pembangunani jala ndang adong di tanjung Gusta pejabatni.
Angka Cabup/Cawabup namangasahon hepeng, ingot hamu ma boha ujung na? Dua gubernur Sumatera Utara gabe sitarapan (narapidana-calon) alani aha? Ai taboto do tarlumobi ma angka PNS sian dia na pinangke nasida manuhor soara (money politics), unang-unang naung masuk daftar KPK, Polri manang Kejaksaan nasida.
Pilkada sahalion unang be adong begeon di Samosir “ummarga ulu ni pinahan sian ulu ni jolma. Ai ulu ni pinahan saotik na ma lima ratus ribu, anggo manuhor soara boi do dua ratus ribu-toluratus ribu par-kepala”.
Alani “jora ma” masyarakat Samosir uang ma mamillit Bupati/Wakil Bupati alani hepeng, jala unang ma nian manggadehon manang manggadis hadirion (harga diri, harkat dan martabat) ho;an alani hepeng duaratus-toluratus ribu. Tinampul bulung si hupi, pinarsaong bulung si hala. Unang be nian masyarakat Samosir sumolsoi di pudian ni ari ala mamillit bupati dang adong pembangunan hape pejabat na do korupsi jala masuk penjara.
Molo naeng masyarakat Samosir maju, pillit hamu ma calon na mabiar tu Tuhan na so olo manjalo sisip jala na marsubanghon manuhor soara.
Horas jala gabe.
sita1adv@hotmail.co.uk
